ಅಂಕಣ ಆರಾಧನ ಸ್ಥಳ (ವಿಶೇಷ ಕಾಯಿದೆ) – 1991 ಯ ಸುತ್ತ ಮುತ್ತ.

ಆರಾಧನ ಸ್ಥಳ (ವಿಶೇಷ ಕಾಯಿದೆ) – 1991 ಯ ಸುತ್ತ ಮುತ್ತ.

-

ಜಾಹೀರಾತು

ಜಾಹೀರಾತು

ಲೇಖಕರು: ಯಾಸೀನ್ ಕೋಡಿಬೆಂಗ್ರೆ (ಕಾನೂನು ಪದವೀಧರ ಮತ್ತು ರಾಜಕೀಯ ಶಾಸ್ತ್ರ, ಸ್ನಾತ್ತಕೋತರ ವಿದ್ಯಾರ್ಥಿ).

ನ್ಯಾ.ರಂಜನ್ ಗೋಗಯ್ ಅವರ ನೇತೃತ್ವದ ಐದು ನ್ಯಾಯಾಧೀಶರ ನ್ಯಾಯ ಪೀಠ ಇತ್ತೀಚ್ಚಿಗೆ ಬಾಬರಿ ಮಸೀದಿಯ ತೀರ್ಪು ಪ್ರಕಟಿಸಿ ಅಯೋಧ್ಯೆಯ ವಿವಾದಿತ ಜಾಗದಲ್ಲಿ ರಾಮ ಮಂದಿರ ಕಟ್ಟಲು ಅವಕಾಶ ಕಲ್ಪಿಸಿರುವುದು ಈಗ ಇತಿಹಾಸ. ಇದೇ ಸಂದರ್ಭದಲ್ಲಿ ಸರ್ವೊಚ್ಚ ನ್ಯಾಯಾಲಯ ತನ್ನ ತೀರ್ಪಿನಲ್ಲಿ ಆರಾಧನ ಸ್ಥಳ (ವಿಶೇಷ ಕಾಯಿದೆ) – 1991 ಯನ್ನು ಬಲಪಡಿಸುವ ಬಗ್ಗೆ ತಿಳಿಸಿದೆ.

ಈ ಹಿನ್ನಲೆಯಲ್ಲಿ ಪ್ರತಿಯೊಬ್ಬ ನಾಗರಿಕ ಈ ದೇಶದಲ್ಲಿ 11 ನೇ ಜುಲೈ 1991 ಜಾರಿಗೆ ಬಂದಿರುವ ಆರಾಧನ ಸ್ಥಳ (ವಿಶೇಷ ಕಾಯಿದೆ), 1991 ರ ಬಗ್ಗೆ ಅರಿಯಬೇಕಾಗಿದೆ. ಈ ಕಾಯಿದೆಯು ಜಾರಿಗೆ ಬರಲು ಮುಖ್ಯ ಉದ್ದೇಶವೆಂದರೆ ಈ ದೇಶದಲ್ಲಿ ಅಸ್ತಿತ್ವದಲ್ಲಿರುವ ಆರಾಧನ ಸ್ಥಳಗಳನ್ನು ಕಾನೂನಾತ್ಮಕವಾಗಿ ರಕ್ಷಣೆ ಮಾಡುವುದಾಗಿದೆ. ಈ ಕಾನೂನಿನ ಪ್ರಕಾರ ಆಗಸ್ಟ್ 15, 1947 ರಂದು ಅಸ್ತಿತ್ವದಲ್ಲಿರುವ ಯಾವುದೇ ಆರಾಧನ ಸ್ಥಳಗಳನ್ನು ವಶಪಡಿಸುವುದು, ವರ್ಗಾಯಿಸುವುದನ್ನು ತಡೆ ಹಿಡಿಯುತ್ತದೆ. ಈ ಕಾಯಿದೆಯು ಜಮ್ಮು ಮತ್ತು ಕಾಶ್ಮೀರ ಹೊರತು ಪಡಿಸಿ ಇಡೀ ಭಾರತದಲ್ಲಿ ಜಾರಿಗೆ ಬಂದ ದಿನದಿಂದ ಜಾರಿಯಲ್ಲಿದೆ.

ಆರಾಧನ ಸ್ಥಳ (ವಿಶೇಷ ಕಾಯಿದೆ),1991 ರ ಸೆಕ್ಷನ್ 2 (ಸಿ) ಯು ಆರಾಧನ ಸ್ಥಳಗಳು ಯಾವುದೆಂಬುದನ್ನು ಸ್ಪಷ್ಟವಾಗಿ ವ್ಯಾಖ್ಯಾನಿಸಿದ್ದು ಮುಖ್ಯವಾಗಿ, ದೇವಸ್ಥಾನ, ಮಸೀದಿ, ಚರ್ಚ್,ಗುರುದ್ವಾರ,ಮಠ ಅಥವಾ ಯಾವುದೇ ಧಾರ್ಮಿಕ ಆರಾಧನ ಸ್ಥಳಗಳು ಅಥವಾ ಯಾವುದೇ ಸಮುದಾಯದ ಹೆಸರಿನಲ್ಲಿ ಕರೆಯಲ್ಪಡುವ ಆರಾಧನ ಸ್ಥಳಗಳಾಗಿರುತ್ತದೆ. ಈ ಕಾಯಿದೆಯ ಕಲಮ್ 3 ರ ಪ್ರಕಾರ, ಆಗಸ್ಟ್ 15, 1947 ಭಾರತದಲ್ಲಿ ಅಸ್ತಿತ್ವದಲ್ಲಿತ್ತೋ ಅಂತಹ ಯಾವುದೇ ಆರಾಧನ ಸ್ಥಳ ಪರಿವರ್ತನೆ ಮಾಡುವುದರಿಂದ ತಡೆ ನೀಡುತ್ತದೆ.

ಇಷ್ಟೆಲ್ಲಾ ಸುರಕ್ಷತೆ ಆರಾಧನ ಕಾಯಿದೆಯಡಿಯಲ್ಲಿ ಇದ್ದರೂ ಬಾಬರಿ ಮಸೀದಿಯ ವಿಚಾರದಲ್ಲಿ ಸರ್ವೊಚ್ಚ ನ್ಯಾಯಾಲಯ ಈ ಕಾಯಿದೆಯ ಉಲ್ಲಂಘನೆ ನಡೆಸಿತೇ ಎಂಬ ಕುತೂಹಲಕಾರಿ ಪ್ರಶ್ನೆ ಹಾಗೆಯೇ ನಮ್ಮ ಮುಂದೆ ಹಾದು ಹೋಗುತ್ತದೆ. ವಾಸ್ತವದಲ್ಲಿ ಈ ಪ್ರಶ್ನೆಗೆ ಈ ಕಾಯಿದೆಯ ಅಡಿಯಲ್ಲಿ ಉತ್ತರ ನೀಡುವುದಾದರೆ ಖಂಡಿತವಾಗಿಯೂ ಸರ್ವೊಚ್ಚ ನ್ಯಾಯಾಲಯ ಈ ಕಾಯಿದೆಯ ಯಾವುದೇ ಸೆಕ್ಷನ್ ಗಳನ್ನು ಉಲ್ಲಂಘಿಸಿಲ್ಲ. ಆರಾಧನ ಸ್ಥಳ (ವಿಶೇಷ ಕಾಯಿದೆ), 1991 ಅಸ್ತಿತ್ವಕ್ಕೆ ಬರುವ ಮುನ್ನವೇ ಬಾಬರಿ ಮಸೀದಿ-ರಾಮ ಜನ್ಮ ಭೂಮಿ ವಿವಾದ ಗರಿಗೆದರಿಕೊಂಡಿತ್ತು. ಮತ್ತು ಅದೊಂದು ಸಿಮೀತ ಪ್ರದೇಶದ ವಿವಾದವಾಗಿರದೆ ಇಡೀ ದೇಶದ ವಿವಾದವೆಂಬಂತೆ ಬಲಪಂಥೀಯ ಧಾರ್ಮಿಕ ಮತ್ತು ರಾಜಕೀಯ ಅಂದೋಲನಗಳು ಬಿಂಬಿಸುವುದರಲ್ಲಿ ಯಶಸ್ವಿಯಾಗಿತ್ತು. ಅದಾಗಲೇ ಈ ವಿವಾದ ಕೋರ್ಟ್ ಮೆಟ್ಟಿಲು ಏರಿಯಾಗಿತ್ತು. ಈ ಹಿನ್ನಲೆಯಲ್ಲಿ ಆರಾಧನ ಸ್ಥಳ (ವಿಶೇಷ ಕಾಯಿದೆ) – 1991, ಸೆಕ್ಷನ್ 5 ರಲ್ಲಿ ಈ ಕಾಯಿದೆಯು ರಾಮ ಜನ್ಮಭೂಮಿ-ಬಾಬರಿ ಮಸೀದಿಗೆ ಅನ್ವಯಿಸುವುದಿಲ್ಲವೆಂದು ಸ್ಪಷ್ಟವಾಗಿ ಹೇಳಲಾಯಿತು. ನವೆಂಬರ್ 9, 2019 ರಂದು ನ್ಯಾ. ರಂಜನ್ ಗೋಗಯ್ ಅವರ ನೇತೃತ್ವದ ನ್ಯಾಯಪೀಠ ನೀಡಿದ ಬಾಬರಿ ಮಸೀದಿ ತೀರ್ಪಿನಲ್ಲಿ ಈ ಕಾಯಿದೆಯನ್ನು ಬಲಪಡಿಸುವ ಮಾತುಗಳನ್ನು ಆಡಿದರು. ಆದರೆ ಈ ಕಾಯಿದೆಯ ಸೆಕ್ಷನ್ 5 ರಂತೆ ಈ ಕಾಯಿದೆಯನ್ನು ಅನ್ವಯಿಸಲಿಲ್ಲ.

ಇನ್ನು ಈ ಕಾಯಿದೆಯ ಸೆಕ್ಷನ್ 4 ರಲ್ಲಿ, ಈ ಕಾಯಿದೆ ಅಸ್ತಿತ್ವಕ್ಕೆ ಬರುವ ಮುನ್ನ ಆಗಸ್ಟ್ 15, 1947ರಲ್ಲಿ ಅಸ್ತಿತ್ವದಲ್ಲಿದ್ದ ಆರಾಧನ ಸ್ಥಳಗಳ ಪರಿವರ್ತನೆಯ ಬಗ್ಗೆ ದಾವೆಗಳು ಇದ್ದರೆ ಅದನ್ನು ಸೆಕ್ಷನ್ 4 ರ ಉಪಕಲಮ್ ಗಳಾದ 1,2,3 ಹಾಗೂ 3(ಎ),ಬಿ,ಸಿ,ಡಿ,ಈ ಯಂತೆ ನ್ಯಾಯಾಲಯಗಳು, ನ್ಯಾಯ ಪೀಠ ಅಥವಾ ಸಂಬಂಧಿತ ಅಧಿಕಾರಯುತ ಮಧ್ಯವರ್ತಿಗಳು ನಿಭಾಯಿಸಬೇಕಾಗಿದೆ. ಇದಕ್ಕಾಗಿ ಈ ಕಲಮುಗಳಡಿಯಲ್ಲಿ ನಿಯಮಗಳನ್ನು ಸ್ಪಷ್ಟ ಪಡಿಸಲಾಗಿದೆ. ಅದೇ ರೀತಿ ಈ ಕಾಯಿದೆಯ ಉಲ್ಲಂಘನೆಗಾಗಿ ಮೂರು ವರ್ಷದ ಸಜೆ ಮತ್ತು ದಂಡವನ್ನೂ ಒಳಗೊಂಡಿರುತ್ತದೆ.

ಸರ್ವೊಚ್ಚ ನ್ಯಾಯಾಲಯದ ತೀರ್ಪಿನಿಂದ ಒಂದಂತೂ ಸ್ಪಷ್ಟವಾಗಿದ್ದು ಇನ್ನು ಮುಂದೆ ಆಗಸ್ಟ್ 15, 1947 ರ ಹೊತ್ತಿಗೆ ಅಸ್ತಿತ್ವದಲ್ಲಿರುವ ಯಾವುದೇ ಆರಾಧನ ಸ್ಥಳಗಳನ್ನು ಪರಿವರ್ತಿಸುವಂತಿಲ್ಲ. ಇದರಿಂದ ಈಗಾಗಲೇ ವಿವಾದದಲ್ಲಿರುವ ಹಲವಾರು ಪುರಾತನ ಆರಾಧನ ಸ್ಥಳಗಳಿಗೆ ಕಾನೂನಾತ್ಮಕ ಭದ್ರತೆ ದೊರೆತದಂತಾಗಿದೆ.

ಧಾರ್ಮಿಕ ವಿಭಜನಕಾರಿ ನೀತಿಗಳನ್ನು ಅನುಸರಿಸಿ ಮುಖ್ಯವಾಗಿ ಹಿಂದು ಮತ್ತು ಮುಸ್ಲಿಮರನ್ನು ಗುರಿಯಾಗಿಸಿ ರಾಜಕೀಯ ನಡೆಸುವ ಹಲವಾರು ಸಂಘಟನೆಗಳು ಇಂತಹ ವಿವಾದಗಳನ್ನು ಸೃಷ್ಟಿಸಲು ರಣಹದ್ದುಗಳಂತೆ ಕಾದು ನಿಂತಿದ್ದು ಇದೀಗ ಈ ಕಾಯಿದೆ ಮತ್ತೊಮ್ಮೆ ಸರ್ವೊಚ್ಚ ನ್ಯಾಯಾಲಯದ ತೀರ್ಪಿನಿಂದಾಗಿ ಮುನ್ನಲೆಗೆ ಬಂದಿರುವುದು ಸ್ವಾಗತರ್ಹವಾಗಿದೆ. ಬಹಳಷ್ಟು ಮಂದಿ ಬಾಬರಿ ಮಸೀದಿ ಆಸ್ತಿ ಹಕ್ಕು ವಿವಾದದ ಅಂತ್ಯದೊಂದಿಗೆ ಎಲ್ಲ ಸಮಸ್ಯೆಗಳು ಮುಗಿದು ಹೋಯಿತೆಂದು ಭಾವಿಸುವುದು ಸುಳ್ಳು. ಧಾರ್ಮಿಕ ವಿಭಜನಕಾರಿ ನೀತಿಗಳನ್ನು ಮೂಲವನ್ನಾಗಿಸಿ ಜನರನ್ನು ಮರಳು ಮಾಡುತ್ತಾ ರಾಜಕೀಯ ಮಾಡುವ ರಾಜಕೀಯ ಪಕ್ಷಗಳು ಹಲವಾರು ವಿವಾದಗಳನ್ನು ಹುಟ್ಟು ಹಾಕಲು ಖಂಡಿತ ಬಯಸುತ್ತದೆ. ಇದಕ್ಕೆ ಪೂರಕವೆಂಬಂತೆ ಕಾರವಾನ್ ಇ ಮ್ಯಾಗಝೀನ್ ನಲ್ಲಿ ಪ್ರಕಟವಾದ ಕಾಶಿಯ ಗ್ಯಾನ್ ವ್ಯಾಪಿ ಮಸೀದಿ ಮತ್ತು ವಿಶ್ವನಾಥ್ ದೇವಸ್ಥಾನದ ವಿವಾದವನ್ನು ಗಮನಿಸಬಹುದಾಗಿದೆ. ಇಲ್ಲಿ ನರೇಂದ್ರ ಮೋದಿ ಸರಕಾರ ಕಾಶಿ ವಿಶ್ವನಾಥ್ ಕೋರಿಡಾರ್ ನಿರ್ಮಾಣ ಮಾಡುತ್ತಿದ್ದು ಶತಮಾನದ ಮಸೀದಿಯ ಅಸ್ತಿತ್ವಕ್ಕೆ ಹಾನಿಯಾಗಿರುವ ಬಗ್ಗೆ ಉಲ್ಲೇಖಿಸಲಾಗಿದೆ. ಹೀಗೆ ದೇಶದ ನಾನಾ ಕಡೆಯಲ್ಲಿ ಇಂತಹ ನಡೆಗಳು ಸಾಮಾನ್ಯವಾಗುವ ಭೀತಿಯ ಹಿನ್ನಲೆಯಲ್ಲಿ ಆರಾಧನ ವಿಶೇಷ ಕಾಯಿದೆ ,1991 ಪ್ರಾಮುಖ್ಯತೆ ಪಡೆದುಕೊಳ್ಳುತ್ತದೆ. ಇನ್ನು ಮುಂದೆ ಸರಕಾರಗಳು ಈ ಕಾಯಿದೆಯನ್ನು ದುರ್ಬಲಗೊಳಿಸುವ ಪ್ರಯತ್ನವನ್ನೂ ಮಾಡಬಹುದು. ಅಥವಾ ನ್ಯಾಯಾಲಯಗಳು ಈ ಕಾಯಿದೆಯಡಿಯಲ್ಲಿ ಆರಾಧನ ಸ್ಥಳಗಳ ಮೇಲೆ ಸುರಕ್ಷತಾ ಕ್ರಮ ಕೈಗೊಳ್ಳಬಹುದೇ ಎಂಬುವುದಕ್ಕೆ ಭವಿಷ್ಯದ ನಡೆಗಳು ಉತ್ತರಿಸಲಿದೆ. ಆದರೆ ದೇಶದ ಪ್ರಜ್ಞಾವಂತ ನಾಗರಿಕರಾಗಿ ನಮ್ಮ ಹಕ್ಕುಗಳನ್ನು, ಭಾರತೀಯ ಪ್ರತಿಯೊಂದು ಸಮುದಾಯದ, ವ್ಯಕ್ತಿಯ ಹಿತ ಕಾಯುವ ಕಾಯಿದೆಗಳ ಬಗ್ಗೆ ಅರಿಯುವುದು ಮತ್ತು ಅದರ ಬಗ್ಗೆ ಜಾಗೃತಿ ಮೂಡಿಸುವುದು ನಮ್ಮ ಕರ್ತವ್ಯವಾಗಿದೆ.

LEAVE A REPLY

Please enter your comment!
Please enter your name here

Latest news

ಸಿದ್ಧರಾಮಯ್ಯ ಪಕ್ಷದ ಶಾಸಕಾಂಗ ನಾಯಕನ ಸ್ಥಾನಕ್ಕೆ ರಾಜೀನಾಮೆ!

ಬೆಂಗಳೂರು :ಉಪಚುನಾವಣೆಯಲ್ಲಿ ಕಾಂಗ್ರೆಸ್ ಎರಡು ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸಿದ್ದು, ಪಕ್ಷದ ಹೀನಾಯ ಸೋಲಿನ ಹಿನ್ನೆಲೆಯಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ ತಮ್ಮ ಶಾಸಕಾಂಗ ಪಕ್ಷದ ನಾಯಕನ ಸ್ಥಾನಕ್ಕೆ...

ಹೂಡೆಯ ಸಾಲಿಹಾತ್ ಶಾಲೆ: ಉಡುಪಿ ಅಂತರ್ ಶಾಲಾ ಮಟ್ಟದ ವಿಜ್ಞಾನ ಮೇಳ

ತೋನ್ಸೆ - ಹೂಡೆಯ ಸಾಲಿಹಾತ್ ಶಾಲಾ ಕ್ರೀಡಾಂಗಣದಲ್ಲಿ ಇತ್ತೀಚೆಗೆ ಎ.ಜೆ.ಅಕಾಡಮಿ ರಾಯಚೂರು ಹಾಗೂ ಸಾಲಿಹಾತ್ ಶಿಕ್ಷಣ ಸಂಸ್ಥೆ ಇವರುಗಳ ಜಂಟಿ ಆಶ್ರಯದಲ್ಲಿ ಉಡುಪಿ ಅಂತರ್ ಶಾಲಾ...

ಕೊನೆಗೂ ಗೆದ್ದ ರಿಜ್ವಾನ್ ಅರ್ಷದ್; ರೋಶನ್ ಬೇಗ್’ಗೆ ಮುಖಭಂಗ

ಬೆಂಗಳೂರು: ಈ ಬಾರಿ ಶಿವಾಜಿ ನಗರದ ಉಪ ಚುನಾವಣೆ ಬಹಳಷ್ಟು ಕುತೂಹಲ ಹುಟ್ಟಿಸಿತ್ತು. ರೋಶನ್ ಬೇಗ್ ರಿಜ್ವಾನ್ ಅರ್ಷದ್ ಅವರನ್ನು ಸೋಲಿಸುವ ಪಣ ತೊಟ್ಟಿದ್ದರು. ಇದೀಗ...

ಕಾಂಗ್ರೆಸ್ ನಾಯಕರೇ ಪಕ್ಷವನ್ನು ಕೆಳಗುರುಳಿಸಿದ್ದಾರೆ – ಜನಾರ್ದನ ಪೂಜಾರಿ

ಮಂಗಳೂರು: ಬಿಜೆಪಿಯ ಗೆಲುವಿನ ಬಗ್ಗೆ ಮೊದಲೇ ಗ್ರಹಿಸಿದ್ದೇನೆ ಎಂದು ಹಿರಿಯ ಕಾಂಗ್ರೆಸ್ ಮುಖಂಡ ಜನಾರ್ಧನ್ ಪೂಜಾರಿ ಸೋಮವಾರ ಪತ್ರಿಕಾಗೋಷ್ಟಿಯಲ್ಲಿ ಹೇಳಿದ್ದಾರೆ. ಕರ್ನಾಟಕ ಉಪಚುನಾವಣೆ ಫಲಿತಾಂಶಗಳ ಕುರಿತು ಪತ್ರಿಕಾಗೋಷ್ಠಿಗಳನ್ನುದ್ದೇಶಿಸಿ...
- Advertisement -

ಅನರ್ಹರಿಗೆ ಜನ ಮತ; ಬಿಜೆಪಿ ಸರಕಾರ ಭದ್ರ

ಬೆಂಗಳೂರು: ಹದಿನೈದು ಕ್ಷೇತ್ರಗಳಿಗೆ ನಡೆದ ಉಪ ಚುನಾವಣೆಯಲ್ಲಿ ಬಿಜೆಪಿ ಭರ್ಜರಿ ನಿರ್ವಹಣೆ ನೀಡಿದ್ದು ಹನ್ನೆರಡು ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸಿದೆ. ಕಾಂಗ್ರೆಸ್ ಕೇವಲ ಎರಡು ಕ್ಷೇತ್ರಗಳಲ್ಲಿ ಗೆಲುವು...

ಉಪ ಚುನಾವಣೆ: ಶಿವರಾಮ್ ಹೆಬ್ಬಾರ್ ಗೆಲುವು

ಯಲ್ಲಾಪುರ: ಯಲ್ಲಾಪುರದಲ್ಲಿ ಅನರ್ಹ ಶಾಸಕ ಶಿವರಾಮ್ ಹೆಬ್ಬಾರ್ ಉಪ ಚುನಾವಣೆಯಲ್ಲಿ ಭರ್ಜರಿ ಗೆಲುವು ಸಾಧಿಸಿದ್ದಾರೆ. ಇದರೊಂದಿಗೆ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು ಇದೀಗ ಮಾಜಿ ಸ್ಪೀಕರ್ ರಮೇಶ್ ಕುಮಾರ್...

Must read

ಆರಾಧನ ಸ್ಥಳ (ವಿಶೇಷ ಕಾಯಿದೆ) – 1991 ಯ ಸುತ್ತ ಮುತ್ತ.

ಲೇಖಕರು: ಯಾಸೀನ್ ಕೋಡಿಬೆಂಗ್ರೆ (ಕಾನೂನು ಪದವೀಧರ ಮತ್ತು ರಾಜಕೀಯ ಶಾಸ್ತ್ರ, ಸ್ನಾತ್ತಕೋತರ...
- Advertisement -

You might also likeRELATED
Recommended to you