ಇರಾನಿ ಶೈಲಿಯಲ್ಲಿ ತಯಾರಿಸಿದ ಆಹಾರಗಳು ಸೂಪರ್‌ ಆಗಿರುತ್ತದೆ. ಇಲ್ಲಿ ನಾವು ಇರಾನಿ ಚಿಕನ್‌ ಕಬಾಬ್ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
1 ಚಮಚ ಶುಂಠಿ ಪೇಸ್ಟ್
2 ಮೊಟ್ಟೆಯ ಬಿಳಿ
1 ಏಲಕ್ಕಿ
1 ಕಪ್ ಎಣ್ಣೆ

ಅರ್ಧ ಕೆಜಿ ಬೋನ್‌ಲೆಸ್‌ ಚಿಕನ್

1 ಚಮಚ ಬೆಳ್ಳುಳ್ಳಿ ಪೇಸ್ಟ್‌
ಅರ್ಧ ಚಮಚ ಕಾಳು ಮೆಣಸಿನ ಪುಡಿ
ಅರ್ಧ ಚಮಚ ಚಕ್ಕೆ ಪುಡಿ
ರುಚಿಗೆ ತಕ್ಕ ಉಪ್ಪು

ಅಲಂಕಾರಕ್ಕೆ
ಒಂದು ಈರುಳ್ಳಿ
ಸ್ವಲ್ಪ ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ:
ಸ್ಟೆಪ್ 1
ಚಿಕನ್‌ ಅನ್ನು ಚೆನ್ನಾಗಿ ತೊಳೆದು ಅದರ ನೀರು ಸಂಪೂರ್ಣ ಸೋಸಿ, ಒಂದು ಪಾತ್ರೆಗೆ 2 ಕಪ್‌ ನೀರು ಹಾಕಿ ಕುದಿಸಿ, ನೀರು ಕುದಿ ಬರುವಾಗ ಶುಂಠಿ, ಬೆಳ್ಳುಳ್ಳಿ, ಕಾಳು ಮೆಣಸಿನ ಪುಡಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಕುದಿಸಿ. ಚಿಕನ್‌ ಬೆಂದ ಮೇಲೆ (ತುಂಬಾ ಬೇಯಿಸಬೇಡಿ) ಅದರ ನೀರು ಸೋಸಿ ಮತ್ತೊಂದು ಪಾತ್ರೆಯಲ್ಲಿ ಹಾಕಿಡಿ.

ಸ್ಟೆಪ್‌ 2
ಒಂದು ಬೌಲ್‌ನಲ್ಲಿ ಮೊಟ್ಟೆಯ ಬಿಳಿ ಹಾಕಿ ಅದಕ್ಕೆ ಕರಿ ಮೆಣಸಿನ ಪುಡಿ, ಉಪ್ಪು ಹಾಕಿ ಮಿಕ್ಸ್‌ ಮಾಡಿ. ಚಕ್ಕೆ, ಏಲಕ್ಕಿ ಪುಡಿ ಹಾಕಿ. ಸ್ವಲ್ಪ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್‌ ಕೂಡ ಸೇರಿಸಬಹುದು. ನಂತರ ಚಿಕನ್‌ ಹಾಕಿ ಮಿಕ್ಸ್ ಮಾಡಿ.

ಸ್ಟೆಪ್ 3
ಪ್ಯಾನ್‌ಗೆ ಎಣ್ಣೆ ಹಾಕಿ ಕಾಯಿಸಿ, ಎಣ್ಣೆ ಕುದಿಯಲಾರಂಭಿಸಿದಾಗ ಚಿಕನ್‌ ಹಾಕಿ ಡೀಪ್‌ ಫ್ರೈ ಮಾಡಿ ತೆಗೆಯಿರಿ.
ನಂತರ ಅದನ್ನು ತಟ್ಟೆಗೆ ಹಾಕಿ ಈರುಳ್ಳಿ, ಕೊತ್ತಂಬರಿ ಸೊಪ್ಪಿನೊಂದಿಗೆ ಅಲಂಕರಿಸಿದರೆ ಇರಾನಿ ಚಿಕನ್‌ ರೆಡಿ.
ಚಿಕನ್ ಬೇಯಿಸಿದ ನೀರಿಗೆ ಒಗ್ಗರಣೆ ಕೊಟ್ಟರೆ ಅನ್ನದ ಜತೆ ಸವಿಯಬಹುದು.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.